香港新浪網 MySinaBlog
« 上一篇 | 下一篇 »
* Karmen | 23/08/06, 3:02 PM | 好友 | (166 Reads)

臭八婆唔文因生日快樂
祝我send俾你果個SMS快D成真!!

我驚你睇唔到, 所以專登突出D, 睇唔睇到呀??睇唔睇到呀??睇唔睇到呀??

琴晚因為撞車, 係街搞左幾個鐘
我都係第一次見咁9唔搭8既司機
初時又話自己大把錢, 有十幾部的士, 賠返成個新車俾我都無所謂
之後又話架的士唔係佢既, 佢同人代班, 架車係租返黎
跟住又話係我地無開車頭燈, 佢睇唔到有車
再跟住又話佢有間車房, 可以幫我整返好架車...

吹到佢, 連警察叔叔都頂唔順要"醒"佢幾句..
全程我一句聲都無出, 留左係架車度, 等李肥肉搞掂...
真係有D嚇親, 如果我地架車快少少, 佢架車又唔停, 咁我地就會成架車飛落山..
有陣時真係唔知下一秒會係點... 呼
我知道其實肥肉都係未定驚, 不過鬼叫佢係老表, 佢要照顧我~!

我係車等佢地果段時間, 只係send 左一個sms出去
我好想俾佢知道我真係好驚好驚..
驚到成個人空白左.. 係咁係度諗, 如果真係飛左落山.. 死左
佢會唔會知道呢?? 會唔會有少少傷心呢??
.. 如果我死左, 唔該可唔可以送一個"太陽菊"做既花圈俾我
因我中意"太陽菊", 最好加D滿天星丫唔該~嘩哈哈!!

最後搞到3:30am, 等埋拖車, 已經4:00am
8:30am我個電話仍然無響過, 即係話我一個reply都收唔到

李肥肉叫我去醫院check一check 睇下我有冇邊條骨爆左或者邊條筋斷左..
我無理佢, 扮聽唔到, 因為我最憎去醫院check呢樣check果樣..
一陣又check到我咩血糖低, 又貧血, 又呢樣又果樣.. 煩死

成晚無訓, 而且又嚇一嚇, 咬親條舌痛到野都講唔到..
個靈魂唔知飛左去邊, 成朝都呆呆滯滯..

望一望電話, 我第一次開始覺得有種灰心而且有D準備死心絕望既情緒出現..
當知道我有意外後, 可以對我不聞不問既, 證明左我一路都係.. 諗多左

正當我沉係谷底游水時, 我電話突然間響起"童話"既鈴聲。
呢一通電話, 雖然好快就收線, 不過起碼令我成個人定左落黎..

應該咁講, 多謝你一通關心既電話。
對你黎講, 可能只係普通朋友既關心。
對我黎講, 其實係電話or sms 都無所謂。
有回應, 其實已經好足夠。

放工, 拿拿聲仆返屋企換鞋。
可能因為無訓覺, 隻腳腫左, 所以搞到對高跟鞋勁刮腳..
痛到我.. 一步都唔想行。
提醒各位女人, 無訓覺千其唔好著尖頭高跟鞋, 死硬!!!!

返到屋企, 沖個涼換件衫, 又死返出去銅鑼灣同我地同索爆既女人慶祝生日。

  
因為係唔文因生日, 所以我剩係擺佢個樣出黎, 其他個7個, 出年見啦!!!

又係"和民"
我地9個好似唔洗錢咁係咁叫係咁叫..
我唔覺得我果一句好樣衰wo, 我要講出黎先會成真ga, 唔文因~!!!

我驚你睇唔到, 所以專登突出D再打一次, 睇唔睇到呀??睇唔睇到呀??睇唔睇到呀??

臭八婆唔文因生日快樂
祝我send俾你果個SMS快D成真!!